Markaziy bank raisiga yangi o‘rinbosar tayinlandi

Iqtisodiyot 21:20 / 06.11.2018 27940

O‘zbekiston prezidenti farmoni bilan Orif Bo‘tayev O‘zbekiston Respublikasi Markaziy banki boshqaruvi raisi o‘rinbosari etib tayinlandi. Bu haqda «Kun.uz» manbasi xabar bermoqda.

U bu lavozimda oktabr oyi boshida Qahramon Aripov o‘rniga Toshkent shahri hokimining birinchi o‘rinbosari lavozimiga o‘tib ketgan Sherzod Xadjizadayev o‘rnini egalladi.

Orif Bo‘tayev bungacha Markaziy bankning Kredit axborotlarining davlat reyestrini yuritish departamenti direktori lavozimida ishlab kelayotgan edi. 

Ma'lumot uchun, Markaziy bank raisining 6 nafar o‘rinbosari bor, bular Orif Bo‘tayevdan tashqari, birinchi o‘rinbosar Timur Ishmetov, shuningdek Ilhom Norqulov, Shuhrat Otaboyev, Botir Zohidov va Adham Rustamovich Islomov hisoblanadi.

Ko‘proq yangiliklar: