Xitoyda ishlab chiqarilgan chuqur suv robotlaridan biri Haixing 6000 masofadan boshqariluvchi qurilmalar uchun suvga sho‘ng‘ish bo‘yicha rekord o‘rnatdi. Qurilma dengiz sathidan 6001 metr chuqurlikka sho‘ng‘igan.

Qurilma Xitoy fanlar akademiyasi huzuridagi Shenyan avtomatika instituti konstruktorlari jamoasi tomonidan yaratilgan. U 6 kmdan chuqurroqqa sho‘ng‘iy oladigan suv osti tadqiqotlari uchun mo‘ljallangan, Xitoyda qurilgan ilk qurilma bo‘ldi. 

Qurilma suv ostida 3 soat vaqt o‘tkazdi va dengiz ortidan kuzatish, biologik tadqiqotlar, tuproqni o‘rganish va suv namunalarini olish bo‘yicha bir qator vazifalarni bajargan. Qurilma 2 km chuqurlikda umumiy og‘irli 400 kgga yaqin uchta partiya jins namunalarini yig‘gan. Bunda qurilma olgan eng og‘ir tosh 61 kg kelgan.

Qurilmaning nomi xitoychadan “dengiz yulduzi” deb tarjima qilinadi. Qurilma 26 oktabrda o‘tkazilgan ekspeditsiya davomida umumiy hisobda turli chuqurliklarga 9 ta sho‘ng‘ishni amalga oshirgan. Ko‘plab ekspertlarning aytishicha, ushbu qurilma erishgan natijalar Xitoy oxirgi yillarda masofadan boshqariluvchi chuqur suv osti qurilmalarini yaratishdagi yutuqlari namoyishi hisoblanadi.