Ilgizar Sobirov jinoyat ishlari bo‘yicha Chilonzor tuman sudi raisi lavozimida ish boshladi

Xorazm viloyatining sobiq hokimi Ilgizar Sobirov jinoyat ishlari bo‘yicha Chilonzor tuman sudi raisi lavozimida ish boshladi, deb xabar berdi Kun.uz muxbiri.

U 29 sentabr kuni bo‘lib o‘tgan ushbu sud yangi binosining ochilish marosimida sud raisi sifatida tanishtirilgan. 

Sobirov Xalq deputatlari Xorazm viloyati kengashining 21 aprel kuni bo‘lib o‘tgan navbatdan tashqari sessiyasida viloyat hokimi vazifasidan ozod qilingan edi.  

U 2006-2015 yillarda Oliy Majlis Senati raisi sifatida faoliyat olib borgan. Keyin esa Xorazm viloyati adliya boshqarmasi boshlig‘i va viloyat hokimi lavozimlarida ishlagan.