Илгизар Собиров Хоразм вилояти ҳокимлигидан кетди, унинг ўрнига янги раҳбар тайинланди

Ўзбекистон 11:10 / 22.04.2018 91327

21 апрель куни Хоразм вилояти халқ депутатлари кенгашининг навбатдан ташқари йиғилиши бўлиб ўтди. Ўзбекистон бош вазири Абдулла Арипов иштирокида кечган йиғилишда ташкилий масала кўрилган.

«Kun.uz» манбасининг тасдиқлашича, 2017 йилнинг 15 октябрида ИИВ раҳбарлигига ўтган Пўлат Бобожонов ўрнига вилоятга ҳоким бўлган Илгизар Матёқубович Собиров ўз аризасига кўра лавозимидан озод этилган.

Унинг ўрнига Фарҳод Эрманов ҳоким вазифасини вақтинча бажарувчи этиб тайинланган.

Фарҳод Ўразбоевич Эрманов - 1958 йилда туғилган. У 1995-1998 йилларда Амударё тумани ҳокими, 2004-2010 йилларда Қорақалпоғистон Республикаси қишлоқ хўжалиги вазири бўлган, 2010 йилдан буён Беруний тумани ҳокими лавозимида фаолият юритиб келаётганди.

Фото: Kruz.uz

Эслатиб ўтамиз, 2006-2015 йиллар давомида Сенат раиси бўлган Илгизар Собиров 17 апрель куни бош вазир раҳбарлигида мажбурий меҳнатга қарши ўтказилган йиғилиш вақтида бошқа бир қатор раҳбарлар қаторида қаттиқ танқид қилинганди.

Кўпроқ янгиликлар