«Sibir» (S7 Airlines) aviakompaniyasi 2018 yil avgustdan Moskva-Toshkent yo‘nalishi bo‘yicha parvozlarni boshlashni rejalashtirgan, deb xabar berdi Travel.ru. Aviakompaniya reyslarni seshanba va juma kunlari amalga oshiradi. Rossiya kompaniyasi oktabrdan Moskva va Toshkent o‘rtasida payshanba va yakshanba kunlari ham parvozlarni yo‘lga qo‘yishni rejalashtirgan. 

Reyslar Airbus A320 samolyotlarida amalga oshiriladi (ba'zi reyslarda Airbus A319 samolyotidan foydalanish rejalashtirilgan).

S7 Airlines samolyotlari Domodedovo aeroportidan 5:30da ko‘tariladi va Toshkentga 11:30da yetib keladi. Toshkentdan esa 13:00da parvoz boshlanadi va Moskvaga 15:20da qo‘nadi.