Шавкат Мирзиёев Қозоғистонга боради

Ўзбекистон 19:32 / 04.07.2018 24022

Ўзбекистон президенти Шавкат Мирзиёев Қозоғистон президент Нурсултон Назарбоевнинг таклифига биноан 5 июль куни қўшни давлатга жўнаб кетади.

Президент матбуот котиби Комил Алламжоновнинг маълумот беришича, давлат раҳбари 6 июль куни Остона шаҳрининг 20 йиллигига бағишланган юбилей тадбирида иштирок этади.

Қозоғистонга ташриф чоғида икки томонлама учрашувлар ўтказилиши ҳам режалаштирилган.

Қайд этиш керакки, Нурсултон Назарбоев ҳам 6 июль куни 78 ёшини нишонлайди.

Шавкат Мирзиёев охирги марта шу йилнинг мартида Қозоғистонга ташриф буюрган ва Остонада Марказий Осиё давлатлари раҳбарларининг биринчи маслаҳат учрашувида иштирок этганди.