Араб шайхи Андижонда текстиль, пахта етиштириш ва меҳмонхона бизнесига катта маблағ киритади

Иқтисодиёт 20:54 / 13.06.2018 21332

Куни кеча Андижон вилоятига Ajlan&Bros Group компанияси раҳбари Шайх Ажлан ибн Муҳаммад Абдулазиз ташриф буюрди. Вилоят расмий вакиллари, меҳмон ва унинг ҳамроҳларини “Андижон” аэропортида кутиб олишди.

Вилоят ҳокимлигида ўтказилган расмий қабул давомида Шайх Ажлан ибн Абдулазиз билан Андижонда текстиль соҳаси, пахта етиштириш, меҳмонхона бизнеси бўйича  музокаралар олиб борилди.

Қабул давомида Ajlan&Bros Group компанияси вакилларига вилоятнинг мавжуд имкониятлари, туризм объектлари ва табиий ресурслари ҳақидаги видеолавҳа намойиш этилди.

Шайх Ажлан ибн Абдулазиз корхона қуришга мўлжалланган ҳудудлар, Жалақудуқ туманидаги пахта майдонларини билан танишди.

“Ўзбекистонга келишимиздан мақсад, бизнесда истиқболли режалар тузиш. Ташриф давомида Самарқанд, Бухоро ва Андижон вилоятларидаги бизнес учун мавжуд муҳит билан танишдик. 70 минг гектар майдонда пахта етиштириб, тизимда кластер қилмоқчимиз. Умид қиламанки, музокаралар ҳар икки томон учун фойдали бўлади. Режаларимиз амалга ошса, бир-икки йил давомида мамлакатингизга 2 миллиард доллар миқдоридаги катта сармоя киритиб, корхоналар қуриб, қўшимча иш ўринлари яратмоқчимиз ”, - дейди меҳмон KUN.UZ сайтига берган интервьюсида.

Элмурод Эрматов, 
KUN.
UZ мухбири Андижон