O‘zbekiston Savdo-sanoat palatasida Xitoyning Sian shahri (Shensi provinsiyasi) Tijorat munitsipal byurosi bosh direktori Lyu Jenchjun boshchiligidagi Xitoy delegatsiyasi vakillari bilan amaliy uchrashuv bo‘lib o‘tdi.
Uchrashuvdan ko‘zlangan maqsad Xitoy va O‘zbekiston shaharlari hamda viloyatlarining «Bir kamar, bir yo‘l» tashabbusi doirasida savdo-iqtisodiy aloqalarini kengaytirish, sanoat zonalarini yaratish, qurilish materiallari va oziq-ovqat mahsulotlarini ishlab chiqarish bo‘yicha tajriba almashish bo‘ldi.
Xitoy tomoni O‘zbekiston korxonalari bilan qishloq xo‘jaligi mahsulotlarini qayta ishlash, ya'ni mevalarni yetkazib berish sohasida uzoq muddatli aloqalarni o‘rnatishga katta qiziqish bildirdi.
Amaliy uchrashuv chog‘ida ikki mamlakat ishbilarmonlari o‘rtasidagi aloqalarni mustahkamlash bo‘yicha o‘zaro hamkorlik masalalari muhokama qilindi.