Telegram App Store O‘zbekistonda «Yandeks.Taksi»ni ortda qoldirdi. Bundan App Annie ma'lumotlari darak bermoqda, deb yozadi Spot.

Ilova 7 maydan beri birinchi marta iOS foydalanuvchilari orasida eng ko‘p yuklab olinuvchi dasturga aylandi.

Jadvaldan ko‘rish mumkinki, Telegram vaqti-vaqti bilan 3-o‘rin va undan pastga tushib ketgan. Bu vaqt davomida «Yandeks.Taksi» birinchi pozitsiyani egallab turgan, u endi ikkinchi o‘rindan joy oldi. Top-5dagi boshqa pozitsiyalarni Instagram, imo va shareIT egalladi.

Yetakchilikka qaytishni Telegram may oyida deyarli jiddiy nosozliklarsiz ishlagani bilan bog‘lash mumkin. Masalan, aprelda servis bir necha marotaba soatlab ishlamay qolgandi.