Madridning «Real» klubi Yevropa chempionlar ligasining 1/2 finalidan o‘rin olgan «Bavariya»ga qarshi dastlabki uchrashuvda irodali g‘alabaga (2:1) erishdi.

Natijada madridliklar Chempionlar ligasi uchrashuvlarida 150 marta g‘alaba qozongan ilk jamoaga aylandi. Bundan tashqari «Real» «Barselona»ning barcha yevrokuboklardagi umumiy g‘alabasi bo‘yicha rekordni ham takrorladi — 306 yutuq.

Eslatib o‘tamiz, «Real» Chempionlar kubogi/ligasida jami 12 marta g‘olib chiqib rekord o‘rnatgan. «Qirollik klubi»joriy mavsumda ketma-ket uchinchi marta turnirda g‘alaba qozonishi mumkin.