Florentino Peres beshinchi muddatga «Real» prezidenti etib saylandi.

Madrid klubining amaldagi prezidenti o‘z ishini 2029 yilgacha davom ettiradigan bo‘ldi. Peres bu lavozim uchun yagona nomzod edi.

Peres o‘zi yagona nomzod bo‘lgan 2009 yildan beri Madrid klubi prezidenti sifatida ishlab kelmoqda. 2013, 2017 va 2021 yilgi saylovlarda ham unga raqib bo‘lmagan.

Ma’lumot uchun, 77 yoshli funksioner «Real» tarixidagi eng sovrindor prezident sanaladi. Uning davrida klub 37 ta titul, jumladan, 7 bor YeChL kubogini qo‘lga kiritgan.