Google kompaniyalarga o‘z tarmog‘ini proksi sifatida ishlatishni taqiqladi. Bu haqda The Verge Google bayonotiga asosan yozmoqda.

Avval servislar Google’dan proksi-servis sifatida foydalanishi mumkin edi: trafikni Google.com domeni orqali o‘z serverlariga qayta yuborishi. Bu kompaniyalarga davlat tomonidan bloklanishni chetlab o‘tish imkonini bergan.

O‘zgarishlar ilk marta Tor tarmog‘i ishlab chiquvchilari tomonidan 13 aprel kuni payqaldi. Google’ning domenli frontingdan voz kechishi servislarga zarar yetkazadi, sababi u davlat senzurasini chetlab o‘tishda ko‘mak berardi: jumladan Signal himoyalangan messenjeri va Psiphon VPN-servisiga, deya ta'kidlaydi The Verge.

Google’dan aytishlaricha, kompaniya dasturiy ta'minoti o‘ziga xos jihatlari tufayli ochiq bo‘lgan domain-fronting funksiyasini qo‘llab-quvvatlamagan, hamda uning ishini tiklashni rejalashtirmayapti.