Videobloger Nik Akerman iPhone X va Galaxy S9 smartfonlarining eng oddiy funksiyalarini sinovdan o‘tkazib, ularni taqqosladi. Mazkur sinov natijalari YouTube'ga joylandi.

Nik Akerman telefonlarni ishga tushirish tezligi, smartfonlarni blokdan yechishga ketgan vaqt, mobil ilovalarning ishlashi va ko‘plab boshqa jihatlarni sinovdan o‘tkazgan. 

Test natijalariga ko‘ra, iPhone X'ning mobil ilovalari tezroq ishga tushishi ma'lum bo‘lgan.  Galaxy S9 esa messenjerlarga kirish va ma'lumotlar uzatishga kamroq vaqt sarflar ekan.

Videoblogerning ta'kidlashicha, Apple kompaniyasi mahsuloti ko‘p jihatdan raqiblarini ortda qoldiradi. 

Tahlilchi Min-Chi Kuoning fikricha, Android boshqaruvi ostidagi telefonlar iPhone'dan kamida ikki yilga ortda qolmoqda.