Rossiya Tashqi ishlar vazirligi Buyuk Britaniya elchixonasining 23 nafar diplomatik xodimidan Rossiya hududini bir hafta muddat ichida tark etishni talab qildi. Bu haqda RF TIV saytida xabar berildi.

«Buyuk Britaniyaning Moskvadagi elchixonasi 23 nafar diplomatik xodimi bir hafta muddat ichida mamlakatdan chiqib ketishi lozim», - deyiladi tashqi siyosat idorasi xabarida.

TIVdan ta'kidlashlaricha, bunday choralar «Britaniya tomonining provokatsion harakatlari hamda Buyuk Britaniyaning Solsberi shahrida 4 mart kuni GRU sobiq polkovnigi Sergey Skripal zaharlanishi tufayli Rossiya Federatsiyasiga qo‘yilgan asossiz ayblovlar tufayli» qabul qilingan.

Eslatib o‘tamiz, avvalroq OAV Skripalni zaharlash uchun qo‘llangan modda uning qizi chamadonida bo‘lgani haqida xabar bergandi.