Instagram ijtimoiy tarmog‘ida ovozli qo‘ng‘iroq va videoqo‘ng‘iroq funksiyalari paydo bo‘ladi, deb yozmoqda Techcrunch nashri.

Foydalanuvchilar Instagram’ning Android-versiyasida “qo‘ng‘iroq” va “videoqo‘ng‘iroq” fayllari va ikonkalarini aniqlashgan. Videoqo‘ng‘iroq ikonkasi paydo bo‘lgani haqida yanvarda ma'lum qilingandi, biroq ko‘rinishicha, o‘sha vaqtda ushbu funksiya ichki sinovdan o‘tayotgan bo‘lgan. 

Endi esa bu belgilar umumfoydalanish fayllarida paydo bo‘lgan. Shunday ekan, unda yangi funksiyalar paydo bo‘lgani haqida yaqinda rasman e'lon qilinadi.

Biroq Instagram’da yangi funksiyalar paydo bo‘lgani tasdiqlanmagan.

“Biz bunga izoh bera olmaymiz”, deb aytgan kompaniya vakili.