Venesuela prezidenti Nikolas Maduro va mamlakatning yuqori mansabli amaldorlari yakshanba kuni xalqqa murojaat chog‘ida imo-ishoralar tilidan foydalandi.
"Syurpriz" Maduroning o‘zi tomonidan Twitter’dagi mikroblogida anons qilindi, u aholini yakshanba kuni kechqurun murojaatni diqqatlik bilan kuzatib borishga chaqirdi. Oxir-oqibat ijtimoiy tarmoqlarda prezident nima haqida e'lon qilmoqchi bo‘lganiga oid munozara yuzaga kelgan. Odamlar gumanitar yo‘lak ochilishidan to Maduroning iste'fosiga qadar taxminlar bildirishdi, biroq xatoga yo‘l qo‘yishdi.
Murojaat “Biz tinch odamlarmiz” deb nomlandi. Videoyozuvda Maduroning o‘zi, vitse-prezident Tariq Al-Aissamiy, aloqa va axborot vaziri Xorxe Rodriges, Milliy ta'sis yig‘ilishi rahbari Delsi Rodriges va Maduroning turmush o‘rtog‘i Siliya Flores ishtirok etgan. Ular murojaatni qismlarga bo‘lishdi va har biri o‘z gapini kar-soqovlar uchun imo-ishoralar tilidan foydalangan holda yozgan.
Ispan tilida subtitrlar bilan taqdim etilgan imo-ishoralar tilidagi murojaat mahalliy televideniye efirida namoyish etildi, hamda shunday ko‘rinishga ega bo‘lgan: “Men prezident Nikolas Maduro. Hammaga salom. Biz tinchlik, birdamlikni xohlaymiz. Biz barcha uchun yagona Venesuelani istaymiz. Ko‘pchilik bizni eshitgisi kelmayapti, biroq biz gapirishda davom etamiz. Biz sizlarga hurmat bilan shuni aytmoqchimizki, barchangiz bizga keraksizlar: yoshlar, ayollar, keksa avlod vakillari, bolalar, kattalar. Bizda buyuk yetakchi bor, hamda men uni yaxshi bilaman. Birgalikda hammasini amalga oshirish mumkin”.
