«Manchester Yunayted» Angliya Kubogining nimchorak finalida «Haddersfild Taun»to‘sig‘idan o‘tdi. Haddersfilddagi «Jon Smit» stadionida kechgan uchrashuv mehmonlar jamoasining 2:0 hisobidagi g‘alabasi bilan yakunlandi.

O‘yinning 3-daqiqasida Romelu Lukaku va Xuan Mata kombinatsiyasi belgiyalik hujumchining goli bilan yakunlandi. Ikkinchi bo‘lim boshida Lukaku Aleksis Sanches bilan devor uslubida o‘ynadi va chililik futbolchi Romeluni yakkama-yakka vaziyatga chiqardi - 2:0.

«MYu» turnirning 1/4 finaliga yo‘l oldi, «Haddersfild» turnirni tark etdi.

Angliya Kubogi
1/8 final
Haddersfild – Manchester Yunayted 0:2 (0:1, 0:1)
Gollar: 0:1 – 3 Lukaku, 0:2 – 55 Lukaku.
Haddersfild – Lessl, Kongolo (Meloun, 70), Yorgensen, Xaderdjonay (Smit, 70), Shindler, Ins, Billing, Uilyams, van La Parra (Sabiri, 84), Mune, Kvaner.
Manchester Yunayted – Romero, Lindelef, Shou, Smolling, Yang, Maktomini, Mata (Lingard, 81), Kerrik, Matich, Sanches (Marsiyal, 75), Lukaku (Bayi, 90).