Xalq deputatlari Chimboy tumani kengashining navbatdan tashqari sessiyasi bo‘lib o‘tdi. Bu haqda Kruz.uz xabar berdi.

Sessiyada Qoraqalpog‘iston Respublikasi Jo‘qorg‘i Kengesi raisi ishtirok etgan. Unda tashkiliy masalalar ko‘rib chiqildi. 

Shu kunga qadar tuman hokimi lavozimida ishlab kelgan Oserbay Qazaqbayev lavozimidan ozod etilgan. Uning o‘rniga Po‘lat Eshanov tuman hokimi lavozimiga tayinlandi.

P.Eshanov bunga qadar Qo‘ng‘irot tumani ichki ishlar bo‘limi boshlig‘i lavozimida ishlab kelayotgan edi.

Eslatib o‘tamiz, avvalroq Namangan viloyatining Kosonsoy tumaniga hokim tayinlangani xabar berilgandi.