20 йил ва 16 млн доллар. Жанубий Кореяда Пак Кин Хенинг дугонасига ҳукм чиқарилди

Жаҳон 17:44 / 13.02.2018 9683

Жанубий Кореяда мамлакат собиқ президенти Пак Кин Хенинг яқин дугонасига ҳукм чиқарилди. У коррупция ва мамлакатнинг ички ишларига аралашишда айбланган.

Кўп ойлик суд жараёнидан сўнг Цой Сун Силь 20 йилга озодликдан маҳрум этилди ва 18 млрд Жанубий Корея вони (тахминан 16,56 млн доллар) миқдорида жарима тўлаши белгилаб қўйилди.

Lotte Group халқаро корпорацияси раҳбари Дон Бин ҳам бу ишда айбланувчи бўлган, у Силнинг фондларидан бирига бизнес юритиш учун қулай шартлар олиш эвазига тахминан 6,44 млн доллар ўтказиб берган. У коррупцияда айбдор деб топилди ҳамда 2,5 йилга қамалди.

Айни дамда Пак Кин Хенинг ўзига қўйилган айбловлар сони 20 тага етди, улар орасида коррупция, ўз ишига совуққонлик билан қараш, мансабини суиистеъмол қилиш бор. Терговчиларнинг фикрича, Пак ўз дугонаси ёки ёрдамчилари билан ўзлаштириб юборган, ёки бемақсад фойдаланишларига йўл қўйиб берган маблағлар умумий миқдори тахминан 38 млн долларга тенг.