Пёнгчангда Олимпиадага дунёдаги энг қора иншоот қурилди

Технология 14:55 / 11.02.2018 8104

9 февралда қишки Олимпиада ўтаётган Пёнгчангда “мутлақ қора иншоот” – британиялик архитектор Асиф Хон лойиҳалаштирган павильон очилди. Иншоот Vantablack деб номланган материалдан қурилган. 

Vantablack материали мавжуд моддалардан энг қораси ҳисобланиб, илк бор Буюк Британия миллий физика лабораторияси томондан 2015 йилда тақдим қилинганди. У алюминий фольгада жойлашган наноқувурлардан иборат. Унга фотон тушганда, улар аксланмасдан, иссиқликка айланади.

Материал нурнинг 99 фоизини ютади. Аксланувчи ранг бўлмагани сабабли инсон кўзи уни қора туйнукдек, гўёки модда ўрнида ҳеч нарса йўқдек қабул қилади. Шу сабабли ҳамжли буюмлар яссидек кўринади.

Павильон кичик ёруғлик чивиқлари билан қопланган бўлиб, у юлдузлар иллюзиясини яратади. Архитектор ғоясига кўра, бу ҳолат Ердан қаралаётган коинотни эслатади.

Фото: Асифа Кхана, Archdaily
Фото: Асифа Кхана, Archdaily
Фото: Асифа Кхана, Archdaily
Фото: Асифа Кхана, Archdaily
Фото: Асифа Кхана, Archdaily

“Узоқдан иншоот коинотга манзара очилувчи очиқ ойнага ўхшайди. Унга яқинлашган сари бу ҳис янада кучаяди, бино ичига кирилганда эса сизни зулмат ўз домига олгандек туюлади”, деб айтмоқда Асиф Хон.

Павильон ичи оқ рангларда бажарилган бўлиб, унда “сув хонаси” жойлашган. Бу хона бир дақиқада 25 мингта томчи сочувчи мультисенсор инсталляциядир. Томчилар кичик тарновчалар орқали оқиб, марказдаги “кўлга” келиб қуйилади. Бу кўл бир қуриб, бир яна пайдо бўлади. Ташриф буюрувчилар сенсорларга таъсир қилиб, томчиларнинг оқишига ритм беришлари мумкин.  

Фото: Асифа Кхана, Archdaily
Фото: Асифа Кхана, Archdaily
Фото: Асифа Кхана, Archdaily
Фото: Асифа Кхана, Archdaily