O‘zbekiston terma jamoasi 27 mart kuni o‘z tarixida birinchi marta JCh-2018 ishtirokchisi Marokash terma jamoasi bilan Kasablanka shahrida o‘rtoqlik o‘yini o‘tkazadi. 

Mart oyidagi FIFA kunlaridan unumli foydalanish maqsadida, 23 mart kuni aynan shu shaharda Afrikaning nomdor terma jamoasi, JCh-2018 yana bir ishtirokchisi Senegal terma jamoasi bilan ham o‘rtoqlik o‘yini o‘tkazish borasida kelishuvga erishildi. 

Bu kelishuvni amalga oshishida FIFA prezidenti Janni Infantinoning yordami katta bo‘ldi, deb xabar beradi O‘FA sayti.

Eslatib o‘tamiz, Senegal terma jamoasi JCh-2018da N guruhidan o‘rin olgan bo‘lib, Polsha, Kolumbiya va Yaponiya terma jamoalari bilan bahs olib boradi. 

O‘zbekiston MTJ Senegal va Marokashdan tashqari, shu yilning may oyida Eron milliy terma jamoasi bilan ham o‘rtoqlik o‘yini o‘tkazadi.