«Bayyer» ikkinchi o‘ringa ko‘tarildi. Bundesligada tur o‘yinlari (turnir jadvali)

Germaniya chempionatining 20-turida «Bayyer» «Maynts» ustidan g‘alabaga erishdi. Leverkuzendagi «Bay-Arena» stadionida kechgan uchrashuv maydon egalarining 2:0 hisobidagi g‘alabasi bilan yakunlandi.

Ikkinchi bo‘lim boshida Leon Beyli hisobni ochdi va «Bayyer»ni oldinga boshladi, 68-daqiqada Vendell penaltini aniq ijro etib, «aptekachilar» jamoasi g‘alabasini mustahkamladi.

Endilikda «Bayyer» ochkolari sonini 34taga yetkazib, turnir jadvalida ikkinchi o‘ringa ko‘tarildi. «Maynts» 20 ochkosi bilan 15-o‘rinda.

Bu tur doirasida «Hannover» «Volfsburg»ni qabul qildi. «HDI-Arena» stadionida kechgan uchrashuv mehmonlar jamoasining minimal ustunligi bilan yakunlandi.

O‘yindagi yagona gol 72-daqiqada Yunus Malli tomonidan urildi.

«Volfsburg» chempionatda 3 dekabrdan buyon ilk g‘alabasiga erishdi va 5 uchrashuvdan iborat bo‘lgan g‘alabasiz seriyasiga yakun yasadi.

Bundesliga turnir jadvalida endi «Hannover» 27 ochko bilan 10-o‘rinda, «Volfsburg» 23 ochkosi bilan 13-o‘rinda joylashgan.

Germaniya chempionati
20-tur
Bayyer – Maynts 2:0 (0:0, 2:0)
Gollar: 1:0 – 48 Beyli, 2:0 – 68, penalti Vendell.
Bayyer – Leno, Bender (Xenrixs, 64), Ta, Bender, Vendell, Baumgartlinger (Kor, 28), Arangis, Brandt (Xavertts, 82), Folland, Beyli, Alario.
Maynts – Tsentner, Gbamen, Xak, Diallo, de Yong (Berggren, 61), Donati, Brosinski (Xoltmann, 61), Serdar, Lattsa, Muto (Udja, 75), Kvayson.
Ogohlantirishlar: Beyli (2), de Yong (18), Donati (67).

Hannover 96 – Volfsburg 0:1 (0:0, 0:1)
Gol: 0:1 – 72 Malli.
Hannover 96 – Chauner, Anton, Sane, Elez (Bebu, 66), Zorg (Bensxop, 85), Shvegler (Karaman, 75), Fossum, Ostjolek, Klaus, Xarnik, Fyullkrug.
Volfsburg – Kastels, Verxag, Bruma, Knoxe, Tisseran, Gerxardt, Arnold, Shteffen, Didavi (Redjbetsay, 84), Malli (Yung, 90), Osimxen.
Ogohlantirishlar: Tisseran (41), Gerxardt (59), Shvegler (62), Xarnik (77), Arnold (90).

Tur o‘yinlari

Turnir to‘purarlari

Turnir jadvali