Apple hali sotuvga chiqib ulgurmagan iPhone X haqida videorolik olgan qizning otasini, ya'ni o‘z xodimini ishdan bo‘shatdi. Bu haqida Bruk Ameliya Piterson o‘zining yangi videosida so‘zlab berdi. Uning otasi Apple'ning yangi qurilmalar sotuvga chiqqunga qadar uni ko‘rsatishni taqiqlovchi qoidalarini buzganlik uchun ishdan bo‘shatilgan.

Bundan avval Bruk Ameliya Piterson yangi ayfon, undagi taqvim, xabarlar ekrani va boshqa ilovalarini namoyish etgan videosi bilan bo‘lishgan edi. Shuningdek unda Apple xodimiga biriktirilgan maxfiy QR-kodlar ko‘ringan. S'yomka kompaniya kampusida olingan. Videotasma YouTube'dan o‘chirilgan, shunday bo‘lsa-da, uni Reddit'dan topish mumkin.

Pitersonning otasi ishdan bo‘shatilgunga qadar Apple Pay texnologiyasini yaratish ustida ishlagan.

iPhone X 3 noyabr kuni sotuvga chiqadi. Bu Apple'ning so‘nggi vaqtdagi eng kutilgan telefondir.