ThinkPad brendiga 25 yil to‘lmoqda. Shu munosabat bilan Lenovo kompaniyasi eski dizayndagi, biroq ichi yangi elementlardan tashkil topgan ThinkPad Anniversary Edition 25 noutbukini ishlab chiqdi.

ThinkPad noutbuklarining ilk modellari 1992 yil oktabrda chiqqan. O‘shanda bu noutbuklar IBM tomondan ishlab chiqarilgan. Bu kompyuterlar 120 Mb doimiy xotiraga ega bo‘lgan! Hozir hattoki aqlli soatlar ham bundan ko‘proq hajmdagi tezkor xotiraga ega.

2005 yilda ThinkPad’lar ishlab chiqarish huquqini Lenovo sotib olgan va hanuzgacha bu brend ostida kompyuterlar ishlab chiqaradi. Hattoki 25 yil o‘tgach ham ThinkPad noutbuklari brendning o‘ziga xos belgilarini saqlab kelmoqda.  

ThinkPad Anniversary Edition 25 noutbuki X1 Carbon modeli negizida yaratildi. U Full HD ko‘rsatish sifatiga ega 14 dyuymli sensorli ekran bilan jihozlangan. Klaviatura yuqorisida tovushni boshqarish tugmalari joylashtirilgan.

Ushbu yubiley noutbuk 1899 dollardan sotilmoqda.

Uning ko‘rsatkichlari quyidagicha:

Displey: Full HD ko‘rsatish sifatiga ega 14 dyuymli;
Protsessor: Intel Core i7-7500U;
Videokarta: GeForce 940MX;
Xotira: 16 GB tezkor va 512 GB doimiy.