Amerikaning FlightWave Aerospace Systems texnologik startapi vodorodli yonilg‘i elementlarida ishlaydigan Jupiter-H2 dronining ishlab chiqilgani haqida ma'lum qildi. U bunday hajmdagi boshqa uchuvchisiz qurilmalardan farqli o‘laroq, ikki soatdan ortiq havoda parvoz qilishi mumkin, litiy akkumulyatorlarida ishlaydigan dronlar esa taxminan yarim soat faoliyat ko‘rsatadi. 

Yonilg‘ini saqlash uchun dronning yuqori qismida 3 litrli vodorod baki mavjud. Vodorodli yonilg‘i elementi 650 vatt quvvatga ega. Uchuvchisiz qurilma kuchi 1,3 kilogramm og‘irlikdagi foydali yukni tashiy oladi. Jupiter-H2 dronidan pochtachi sifatida foydalanish uchun shuning o‘zi yetarli. 

Hozirda yangi qurilma sinovdan o‘tkazilmoqda. Muvaffaqiyatli natijalarga erishilgan taqdirda 2018 yilda dronni seriyali ishlab chiqarish yo‘lga qo‘yiladi.