OAV: Britaniya maxsus xizmatlari WannaCry virusini to‘xtatgan dasturchi hibsga olinishini avvaldan bilgan

Britaniyaning aloqa bo‘yicha hukumat markazi AQSh FQBsi WannaCry virusi kiberhujumini to‘xtatgan Markus Xatchinsni kuzatayotganini avvaldan bilgan, deb xabar bermoqda The Sunday Times gazetasi.

Gazeta manbalari so‘zlariga ko‘ra, Britaniya maxsus xizmatlari Hatchins AQShga borishidan oldin kuzatuvda bo‘lganini bilgan. Dasturchi AQShda iyul oyida kiberanjumanga tashrif buyurgan paytda hibsga olingandi.

Manbalarning aniqlik kiritishicha, bunga qarshilik ko‘rsatilmagan, sababi uning Qo‘shma Shtatlarga uchib ketishi o‘zlarining yaqin ittifoqchilari bilan «ekstraditsiya tufayli bosh og‘riq» kelib chiqmasligiga yaxshi imkoniyat yaratgan.

Hatchins Kronos virusining tarqatilishida ayblanmoqda, uning yordamida jinoyatchilar bank ma'lumotlarini olishga muvaffaq bo‘lganlar.