Eron chempionatining 3-turidan o‘rin olgan uchrashuvlardan birida Server Jyeparov to‘p suradigan «Istiqlol» jamoasi o‘z uyida «Traktorsozi» jamoasini qabul qildi.

Ahamiyatli tomoni, uchrashuv taqdirini O‘zbekiston terma jamoasiga nomzod bo‘lgan futbolchilardan biri Server Jyeparov kiritgan yagona gol hal etdi. Bahsning 42-daqiqasida Jyeparov uzoq masofadan chiroyli gol urdi va bu gol «Istiqlol»ga chempionatdagi dastlabki g‘alabani keltirdi.

Shuningdek, Jyeparovning goli «Istiqlol» uchun yangi mavsumdagi ilk gol bo‘ldi. Endilikda jamoa 3 o‘yindan keyin 4 ochko jamg‘argan holda 8-o‘ringa ko‘tarilib olgan.

Eron chempionati, 3-tur.
«Istiqlol» - «Traktorsozi» 1:0 (1:0).
Gol: Server Jyeparov (42).