Instagram yangi funksiya - birgalikdagi jonli efir sinovlari boshlanishi haqida ma'lum qildi, unda to‘g‘ridan to‘g‘ri uzatiladigan translyatsiyaga mehmonni qo‘shish mumkin bo‘ladi. Bu haqida ijtimoiy tarmoq matbuot xizmatida xabar berildi.
"To‘g‘ridan to‘g‘ri efirga chiqish — o‘z do‘stlari va folloverlari bilan muloqot qilishga mo‘ljallangan qiziqarli format, biroq butun dunyo bilan "birga bir" chiqish ba'zilar uchun noqulay. Yangi funksiya translyatsiyaga mehmonni qo‘shish imkonini beradi, folloverlar esa avvalgidek "layk" bosishlari va izoh qoldirishlari mumkin bo‘ladi", - deyiladi matbuot relizida.
Ma'lum qilinishicha, hozirda funksiyadan foydalanuvchilar soni cheklangan, lekin bir necha oydan so‘ng u to‘liq hajmda ishga tushadi.
