Tesla kompaniyasi xodimlari quyosh panellariga ega yangi tomlarni ola boshladilar. Shu yo‘l bilan ularning mehnatini mukofotlashga va yangi texnologiyani amalda qo‘llab ko‘rishga qaror qilindi.

Avtomobillarning yangi modellari kabi o‘z uyini birinchi bo‘lib kompaniya asoschisi Ilon Mask yangiladi. Uning ortidan quyosh panellarini boshqaruvchi lavozimlarni egallovchi ba'zi xodimlar o‘rnatdilar.

Elektr energiya to‘play oluvchi ilk quyosh cherepitsasi Mask tomondan o‘tgan yil taqdim qilingandi. Tesla tomlari oddiy qurilish materiallarini imitatsiya qiluvchi turli ranglarga ega va 100 foizgacha elektr energiyani tejashga imkon beradi.

Tesla tomlarga narxlarni ma'lum qildi va ularga buyurtmalar olmoqchi. Kompaniyada bu tomlarga umrbod kafolat berilib, tom va akkumulyator batareyalarga ular o‘rnatilgan uy turguncha xizmat ko‘rsatish va'da qilingan. 

Maskning "Tesla tomlari narxi an'anaviy qoplamalarnikiga yaqin" degan tasdig‘iga qaramay, bu tomlarga narxlar anchagina yuqori, chunki xaridorlar quyosh plastinalaridan tashqari narxi 6 ming dollar turadigan Powerwall akkumulyatoridan 1-2 ta sotib olishlari kerak bo‘ladi.