O‘zbekistonda banklar avtokredit berishni to‘xtatdi

Foto: Uz24
O‘zbekiston banklari GM Uzbekistan avtomobillari uchun avtokreditlar taqdim etishni to‘xtatdi. Bu haqda Uz24 nashri xabar berdi.
Nashr avtokredit berishni birinchilardan bo‘lib boshlagan banklarning bosh ofislari bilan bog‘langan, ular ushbu xabarni tasdiqlashgan.
Jumladan, «Asaka» bank operatori «Afsuski barcha kredit liniyalari qayta moliyalash stavkasining oshishi hisobiga yopildi», — deya ma'lumotni tasdiqladi.
«Avtokreditlarni taqdim etish rostdan ham vaqtincha to‘xtatildi», — degan «Aloqabank» xodimi.
«Biz faqat ikkilamchi bozordagi avtomobillar uchun kredit bermoqdamiz. Birlamchi bozor hozircha yopiq. Qancha muddatga yopiqligi ham noma'lum», — dedi «Kapitalbank» ishchisi.
«Trastbank» xodimi ham avtomobillar uchun kreditlar berilmayotgani, kreditlashtirish yopilgani tasdiqlagan, yana qachon ochilishi noma'lumligini aytgan.
Avtomobil sotib olish uchun kreditlar joriy yilning 1 iyunidan boshlab berilayotgan edi, har bir bankda kredit taqdim etish shartlari turlicha edi.
GM Uzbekistan UZ24 nashriga ma'lum qilishicha, kompaniya banklarning kredit siyosatiga hech qanday ta'sir o‘tkazmaydi.
Mavzuga oid

21:57 / 13.05.2024
Qo‘qonda 19 nafar fuqaro nomiga avtokredit rasmiylashtirgan shaxslar aniqlandi

08:50 / 30.04.2024
AQSh Moliya vazirligi Rossiya banklari bilan operatsiyalarga vaqtincha ruxsat berdi

14:13 / 29.04.2024
FT: G‘arb banklari Rossiyada 800 mln yevro soliq to‘lagan

12:47 / 10.04.2024