O‘zbekistonda yangi to‘lov tizimi GlobUzCard tashkil etilmoqda. Bu haqda Yagona Xalqaro protsessing markazi matbuot xizmati ham xabar berdi.

Yangi to‘lov tizimi xalqaro to‘lov tizimlari bilan xorijiy valyutada amaliyotlar o‘tkazish, jumladan, O‘zbekiston hududida xorijiy banklar kartalari bo‘yicha hamkorlik qiladi. Yangi plastik kartalar ko‘plab foydali funksiyalarga ega. Ular bilan kichik summalar bo‘yicha PIN kodsiz to‘lovni amalga oshirish imkoniyati bor, kartani foydalanishga kiritishda uning dizaynida bar kod va fotosuratni joylashtirish imkoniyati ham mavjud.

Shuningdek, tizim bilan transport, talabalar, oilaviy va boshqa turdagi kartalar ham nazarda tutilgan.