Lada Vesta universalining ilk josuslik suratlari internet tarmog‘ida paydo bo‘ldi. Germaniyadagi sinovlar chog‘ida olingan suratlarni AutoEvolution nashri e'lon qildi. «AvtoVAZ»ning yangi mahsuloti Rossiyada kuzda paydo bo‘ladi. 

Mish-mishlarga ko‘ra, universal joriy yil o‘rtalaridan Ijyevskda ishlab chiqariladi. Uning ehtimoliy narxi 800 ming rubl atrofida bo‘lishi aytilmoqda. 

2016 yilda bo‘lib o‘tgan Moskva xalqaro avtosalonida ma'lum qilinganidek, uning yo‘lda harakatlanish xususiyatlari yaxshilangan yangi dinamik ko‘rinishga ega bo‘lgan. 

Uning old ko‘rinishi Vesta sedanidan yaxshi tanish bo‘lib ulgurgan. U Cross-universalda ham qo‘llaniladi.