31 mart kuni SpaceX kompaniyasi Kanaveral burnidan avval ham uchirilgan Falcon 9 raketasini muvaffaqiyatli ravishda uchirdi. Raketa SES-10 telekommunikatsion sun'iy yo‘ldoshini orbitaga olib chiqishi kerak.

SpaceX’ning birinchi bosqichida foydalanilgan raketa ilk bor qayta uchirildi.

Raketa Kanaveral burnida joylashgan kosmodromning 39A parvoz maydonchasidan Toshkent vaqti bilan soat 03.27da parvozni amalga oshirdi. Raketa-tashuvchining birinchi bosqichi 2016 yil bahorda Xalqaro koinot stansiyasiga Dragon yuk kemasini yetkazishda ishlatilgan.

AQShning SpaceX kompaniyasi raketaning ishlatilgan birinchi bosqichi Yerga qaytarilib, so‘ngra yana koinotga uchirilishi ta'minlanadigan texnologiya ustida bir necha yil davomida ishlagan.