Janubiy Koreyaning Samsung kompaniyasi o‘zining yangi smartfonlari Galaxy S8 va S8+ mobil qurilmalarini rasman taqdim etdi, deb yozmoqda The Verge sayti.

Qurilma ekrani nostandart nisbatga: 18,5:9 va 2960x1440 piksel o‘lchamga ega. S8 ekranining diagonali 5,8 dyuymni tashkil etmoqda. S8+ smartfoniga 6,2 dyuymli ekran joylangan. Smartfonlar, shuningdek, 12 va 8 megapikselli asosiy hamda old kameralar bilan jihozlangan. Yangi Samsung telefonlarining o‘lchami asosiy raqobatchisi iPhone 7 va iPhone 7 Plus telefonlaridan ancha yirikligi ma'lum bo‘ldi. 

Unga o‘rnatilgan ichki xotira hajmi 64 Gbni, operativ xotira 8 Gbni tashkil etadi. Yangi modellarda Bixby ovozli yordamchisi qo‘llanilgan. U Apple kompaniyasining Siri xizmatiga o‘xshashdir.

Xabar qilinishicha, telefonlar AQSh bozorida 2017 yil 21 aprelda paydo bo‘ladi. Hozircha, uning narxi ham ma'lum qilingani yo‘q.