Alangalangan gaz ballonini tezda qanday o‘chirish mumkin?

Hindiston poytaxti Nyu-Dehli politsiyachisi Sushil Kumar ko‘chada odamlarga alangalangan gaz ballonini tezda o‘chirish usulini namoyish qildi. Kumar bu jarayonning videosini Feysbukdagi sahifasida joylashtirgan.
Kumar agar gaz balloni gaz sizib chiqishi oqibatida alangalansa, olovni o‘chirish uchun gaz ballonini ho‘l latta bilan o‘rab olish kerakligini ko‘rsatdi. Uning aytishicha, ho‘l latta kislorod kelishini kamaytirib, olovni o‘chirishga yordam beradi. Biroq politsiyachi bundan avval avariyaviy xizmatni chaqirtirish lozimligini eslatib o‘tdi.
Kumarning sahifasida joylashtirilgan bu rolikni ayni vaqtda 7 mln ga yaqin kishi tomosha qilgan. Times Of India nashrining ta'kidlashicha, gaz ballonlari portlashi oqibatida odamlar halok bo‘lgan hodisalar deyarli har kun yuz beradi.
Shunday oxirgi voqealardan biri 15 mart kuni Hindistonning Kanpur shahridagi korxonalardan birida yuz bergan. Bu yerda gaz portlashi 6 kishining halok bo‘lishiga va yana 13 kishining yaralanishiga sabab bo‘lgan.
Mavzuga oid

17:28 / 04.03.2025
Hindiston-O‘zbekiston transport yo‘lagi Qozog‘istongacha uzaytirildi

20:26 / 03.03.2025
Kambag‘allikni qisqartirishda Hindiston tajribasi: muqobil yo‘l topildi

12:40 / 03.03.2025
Hindiston Toshkentda sun’iy intellekt bo‘yicha birinchi ma’lumot markazini quradi

11:44 / 01.03.2025