"Xegay Klyayn" dron-qoplamasi ommabop smartfonlarga prototip sifatida yaratildi. Uni iPhone yoki Android-smartfonlarga mahkamlab qo‘ygan holda kichik dronni olib yurish mumkin. Qoplama smartfonni balandlikka ko‘tara olmaydi, biroq mustaqil ravishda uchishi mumkin. Shuningdek u suratlar olib, balandlikdan FullHD-videoni ham tasvirga tushirishi mumkin. Gadjyet 8-megapikselli kamera bilan jihozlangan bo‘lib, mobil ilova orqali boshqariladi. Olingan suratlar hamda video smartfonga real vaqt rejimida uzatiladi.

Yangilik Kickstarter saytida bir necha kun avval taqdim etildi hamda 1500 foydalanuvchidan 140 ming dollarni yig‘ishga muvaffaq bo‘ldi. Mualliflar avvaliga 125 ming dollar so‘rashgandi, shuning uchun pul mablag‘larini yig‘ish bo‘yicha kampaniya omadli o‘tdi, deb hisoblash mumkin.