Engadget nashri 2016 yilning eng yomon gadjyetlari ro‘yxatini taqdim etdi. Joriy yilda juda ko‘p muhokamaga sabab bo‘lgan Samsung Galaxy Note 7 smartfoni, shubhasiz, ushbu ro‘yxatdan o‘rin oldi. 

Yilning eng yomon gadjyetlari ro‘yxatiga shuningdek sensor klaviaturasida ishlash qiyinchilik tug‘diruvchi Lenovo Yoga Book ham kiritilgan. Bundan tashqari, haddan ziyod qimmatbaho "aqlli" Tag Heuer Connected soatlari ham mazkur ro‘yxatda qayd etilgan. 

"Bema'ni" "aqlli" Vinci quloqchinlari, Snapchat messenjerining barcha "irqchi" filtrlari, bozorda atigi 16 kungina bo‘lgan GoPro Karma droni, iPhone 7 quloqchinlari adapteri hamda faqat "nomigina flagman bo‘lgan" Sony Xperia X Performance smartfoni - yilning eng yomon gadjyetlari deb topildi.