Apple so‘nggi yillarda o‘z kompyuterlarini kamdan-kam hollarda yangilamoqda. Masalan, qora silindr ko‘rishidagi MacPro 2013 yilda ishlab chiqarilgan. Ko‘pchilikning fikricha iPhone asosiy biznesiga aylangan kompaniya boshqa yangilanishlarga pul va vaqtini sarflamaslikka qaror qilgan. Biroq, Apple rahbari Tim Kuk bu so‘zlarni inkor etmoqda, deb xabar berdi Hitech.vesti.ru.

"Ba'zilar OAVda bizning desktoplar borasidagi pozitsiyamizni muhokama qilmoqda. Ammo bizning juda ajoyib shaxsiy kompyuterlarni yaratish rejalarimiz bor. Hech kim bundan xavotir olmasligi zarur", - deya ma'lum qilgan Kuk.

Uning ta'kidlashicha, desktop kompyuterlar yuqori sifatda ishlashi, xotira hajmi va boshqa bir qator sabablar tufayli “juda muhimdir”.

Shu bilan bir qatorda, Kuk aynan qanday kompyuterlar ishlab chiqarilishi haqida gapirmagan.