AQShlik bloger butun dunyo bo‘ylab yadro bombalari qayerlarda joylashgani aks etgan xaritani ko‘rsatdi. Bu xarita aks etgan rolik YouTube’dagi RealLifeLore kanalida joylashtirildi.

Bir necha kun ichida 300 mingdan ko‘proq namoyish yiqqan rolikda AQSh butun Yevropa bo‘ylab yadro bombalari joylashtirgani aytilgan. Rolik muallifining ta'kidlashicha, bu bombalar Rotterdam, Milan, Kyoln, Bryussel va Venetsiyada joylashtirilgan. Rolik muallifi shuningdek Rossiya, Buyuk Britaniya, Xitoy, Pokiston, Hindiston va Shimoliy Koreyada joylashtirilgan yadroviy qurollar haqida gapirib o‘tgan.  

Muallifning ta'kidlashicha, ko‘plab yadroviy qurol majmualari aholi punktlari yaqinida joylashtirilgan. Blogerning aytishicha, Rossiyaning Saratov shahri yaqinida butun dunyodagi yadroviy qurolning 6 foizdan ko‘prog‘i yig‘ilgan.