"Tolibon" Trampni Afg‘onistondan qo‘shinlarni olib chiqib ketishga chaqirdi

"Tolibon" radikal guruhi jangarilari AQSh prezidenti etib saylangan va hali bu lavozimga kirishmagan Donald Trampga AQSh qo‘shinlarini Afg‘onistondan olib chiqib ketish talabi bilan murojaat qilishdi. Bu haqda Reuters axborot agentligi xabar bermoqda.

Jangarilarning bayonotida "Amerika boshqa davlatlarning mustaqilligi va suverenitetini tortib olmaydigan siyosatga amal qilishi kerakligi" aytilgan.

"Eng asosiysi – ular (amerikaliklar) o‘z qo‘shinlarini Afg‘onistondan olib chiqib ketishlari lozim", deb aytganlar toliblar.