O‘zbekiston Respublikasi 2019 yil oxirigacha elektrlashtirilgan temir yo‘llari tarmog‘ini 51 foizgacha yetkazishni rejalashtirmoqda. Bu haqda respublika Iqtisodiyot vazirligi xabar qilmoqda.
Vazirlikning qayd etishicha, O‘zbekistonda 2015-2019 yillarga mo‘ljallangan muhandislik-kommunikatsiya va yo‘l-transport infratuzilmasini rivojlantirish va modernizatsiya qilish dasturi amalga oshirilmoqda.
Ushbu loyihaga ko‘ra jami 9,8 mlrd dollarlik 150 ta investitsiya loyihasi amalga oshiriladi.
Dastur doirasida temir yo‘llarning elektrlashtirish darajasini hozirgi 34 foizdan 51 foizga yetkazish belgilangan.