Global Capital Confidence Barometer ot Ernst & Young (EY) hisobotiga ko‘ra, Buyuk Britaniya 2009 yildan beri birinchi marta investorlar uchun eng qulay 5 mamlakat ro‘yxatidan chiqib ketgan. Bu haqida Bloomberg xabar berdi.
Manbaga ko‘ra, bu yil investorlar uchun eng qulay 5 mamlakat ro‘yxatidan AQSh, Xitoy, Germaniya, Kanada va Fransiya joy olgan.
Hisobot dunyoning 45 mamlakatidagi 1 700 nafar kompaniya rahbarlari orasida o‘tkazilgan so‘rovnomaga asoslangan.
"Brexit xalqaro investitsiyalarni qiyinlashtiruvchi geosiyosiy o‘zgarishlarning o‘sishiga yaqqol misol bo‘la oladi", - deydi ekspertlardan biri Stiv Krouskos.