AQShning Kaliforniya shtatidagi trassada avtobus ishtirokida ro‘y bergan yo‘l transport hodisasi oqibatida kamida 5 kishi halok bo‘lgan. Bu haqda 6ABC xabar tarqatdi.
Avariya 2 avgust kuni ertalab sodir bo‘lgan.
Xabarda aytilishicha, 30 yo‘lovchini mindirgan avtobus Janubiy Kaliforniyadagi Sakramento shahridan yo‘lga chiqqandi. U nom'lum sababga ko‘ra, yo‘l ko‘rsatkich osilgan ustunga borib urilgan.
Hodisa oqibatida 5 kishi halok bo‘lishidan tashqari, yana 5 kishi jarohatlangan holda vertolyot orqali shifoxonaga olib ketilgan.
Ushbu YTHdan keyin trassada qatnov vaqtinchalikka to‘xtatilgan.
