Joriy yilning 1 avgustidan boshlab, O‘zbekistonda faoliyat yurituvchi radiostansiyalar yana bittaga boyiydi. Radioto‘lqinlarning 102,0 chastotasida yangi “Avto radio” ish boshlaydi.

Ushbu radiokanalning boshqalaridan farqi shundaki, uning to‘lqinlarida faqat va faqat jahon, sharq va o‘zbek qo‘shiqlarining eng saralari, o‘z davrida xit darajaga yetganlari uzatiladi. Bu O‘zbekistonda ana shu yo‘nalishda ish boshlagan dastlabki radiokanaldir.

Bundan tashqari, “Avto radio”da retro shlyagerlar, Dunyo va Sharq musiqasi xit paradlari, o‘zbek milliy kinochiligida o‘lmas asarlarga aylangan kinokartinalardan sizu-bizga ma'lum syujyetlarining 30-40 soniyali ovozli lavhalari, mashhur san'at ahli bilan bo‘ladigan suhbatlar, qolaversa, mashhur o‘zbek radioboshlovchilarining turli dasturlar olib borishi, ushbu radiokanalni tinglayotgan har bir kishiga o‘zgacha hayajon va shirin xotiralar ulashadi.

Yana bir yangilik! Endi Sharq musiqalarini barchadan ilgari siz tinglashingiz mumkin. “Avto radio” ijodkorlari Sharq va Arab davlatlari bilan hamkorlikda, ushbu diyorlarda bastalangan va kuylangan eng sara yangi qo‘shiqlarni siz azizlarga birinchilardan bo‘lib uzatadi.

Bu hali xammasi emas, yil oxirida xorijga sayohat imkonini beruvchi ikkita chipta sohibi bo‘lishingiz mumkin. Ushbu loyiha sentabr oyidan ishga tushishi kutilmoqda. “Avto radio” tomonidan o‘tkaziladigan turli tanlov va viktorinalarda ishtirok eting va yutuqli chiptani qo‘lga kiriting. 

Bir so‘z bilan aytganda, “Avto radio” sizga ko‘tarinki kayfiyat va yoqimli hislar jilosini taqdim etadi.