Bugun Rossiya futbol birinchiligining birinchi tur o‘yinlariga start beriladi. Shu bilan 2016/17 yilgi chempionat bosh sovrini uchun kurash boshlanadi. Bu yilgi mavsumda ham Moskvaning TsSKA va Peterburgning  "Zenit" jamoasi bosh sovrin uchun asosiy da'vogarlar hisoblanmoqda. Peterburg jamoasi o‘tgan mavsumda murabbiyni almashtirgach, mamlakat Superkubogini yutib oldi. 

Yangi mavsumda premer-ligada odatdagidek 16ta jamoa kuch sinashadi. Uning tarixida birinchi marta Moskvaning "Dinamo" jamoasi ishtirok etmaydi.

Mavsum boshlanishi avvalida, Rossiyaning yetakchi klublari o‘zlarining yulduz o‘yichilaridan ayrilishgani barobarida tarkiblarini kuchaytirishmadi. TsSKA o‘zining hujum chizig‘i yetakchisi Ahmad Musani "Lester"ga qo‘yib yubordi. 

O‘tgan mavsumda uchinchi o‘ringa tushib ketgan "Zenit" ham bosh yulduzi Xalksiz qoldi. Biroq, jamoaning yangi bosh murabbiyi Mircha Luchesku, braziliyalik o‘yinchisiz ham mavsumdagi birinchi sovrinini qo‘lga kiritdi. "Zenit" tarkibiga qo‘shilgan braziliyalik yarimhimoyachi Juliano esa, og‘ir jarohat olgan Danni o‘rnini egallashi lozim.

O‘tgan mavsumning vitse-chempioni "Rostov" bosh murabbiy Qurbon Berdiyev bilan yangi mavsumda ham tarkibini o‘zgartirmagan holda kuchini sinab ko‘radi. Odatda yuqori o‘rinlarga da'vogarlik qiladigan "Krasnodar" tarkibi ham kuchaygani yo‘q. Moskvaning "Spartak" jamoasi birinchi galda braziliyalik yarimhimoyachi Fernandoni qo‘shib oldi. U, Italiyaning "Sampdoriya" klubida to‘p surgan. Shuningdek, Dmitriy Alenichev murabbiylik shtabiga "Yuventus" va Italiya termasida Antonio Kontega yordam bergan Massimo Karrera qabul qilindi. 

Umuman olganda, Rossiya birinchiligidagi favorit jamoalar tarkibining unchalik ham kuchli bo‘lmagani, o‘rtahol jamoalarga imkon beradi. Bu yilgi mavsumning 30 turi 2017 yil 21 may kuni o‘tkaziladi.

Manba: Tribuna.Uz