Shvetsiyaning Malmyo shahridagi xonadonlardan birida portlash yuz berdi, deb xabar bermoqda Expressen.

OAV ma'lumotlariga ko‘ra, portlash oqibatida oynalar sinib chiqib ketgan. Politsiya portlash yaqinida yashaydigan odamlarni ko‘chaga chiqmaslikka chaqirgan. 

Portlash shahar markazidagi Nobeltorget maydonidagi kvartiralardan birida yuz bergan. Ayni vaqtda jabrlanganlar va portlash sabablari haqida ma'lumot yo‘q.

Voqea joyiga politsiyachilar va shifokorlar yetib kelgan, portlash joyi atrofidagi hudud to‘sib qo‘yilgan.

Shuningdek, portlash joyiga kvartirani tekshirish uchun sapyorlar jo‘natilgan.