Xalqaro olimpiya qo‘mitasi prezidenti Tomas Bax Rio-de-Janeyrodagi ijtimoiy loyihalardan birida ishtirok etdi. U bir guruh o‘smirlar bilan birga plyaj futboli o‘ynagan. Bu haqda 2016 yilgi Yozgi Olimpiada uchun tashkil qilingan rasmiy saytda ma'lum qilindi.

Marosimda 1994 yilgi JCh ishtirokchisi, ayni vaqtda "Vasko da Gama" jamoasi murabbiyi hisoblanadigan Jorjino, 2012 yilgi Olimiada o‘yinlarining kumush medali sohibi, "Flamengo" hujumchisi Leandro Damian, volleybolchi Marselino hamda plyaj voleybolining sobiq yulduzi Jorjino ham ishtirok etgan.

"Men hamisha futbol muxlisi bo‘lganman. Yoshligimda futbolchi bo‘lmoqchi edim, ammo ota-onam meni qilichbozlikka bergan. Men hozir ham vaqtimni chog‘ o‘tkazish uchun futbol o‘ynab turaman", degan Bax.

U 1976 yilda Olimpiadaning rapirachilar turnirida chempion bo‘lgan.

Rio-2016 olimpiadasi 5 avgust kuni boshlanib, 21 avgustga qadar davom etadi.