Andijon viloyati Ichki ishlar boshqarmasi va Andijon shahar Yo‘l harakati xavfsizligi boshqarmasi 2016 yilning 1 avgust kuni shahardagi oliy ta'lim muassasalariga kirish uchun test sinovlari o‘tkazilishi munosabati bilan soat 06.00dan to test sinovlari tadbiri tugaguniga ba'zi ko‘chalarda barcha turdagi transport vositalari harakati cheklanishini ma'lum qildi.

"Hurmatli andijonliklar va shahrimiz mehmonlari! 2016-2017 o‘quv yilida oliy ta'lim muassasalariga talabalarni qabul qilish bo‘yicha joriy yilning 1 avgust kuni butun mamlakatimizda bo‘lgani kabi Andijon viloyatidagi mavjud oliy o‘quv yurtlarida davlat test imtihonlari o‘tkazilishi munosabati bilan hamda harakat xavfsizligini ta'minlash maqsadida Andijon shahrining “O‘zbekiston” hamda Fitrat, “O‘zbekiston” – Boburshoh ko‘chalari, Andijon Davlat tibbiyot institutiga olib boruvchi Boburshoh va Otabekov ko‘chalari, “O‘zbekiston” ko‘chasidan Boburshoh ko‘chasining “Sanoat” chorrahasigacha hamda Andijon Davlat Universitetiga olib boruvchi “Universitet” ko‘chasida 2016 yilning 1 avgust kuni ertalab, soat 6.00 dan 15:00 ga qadar avtotransportlar harakati vaqtincha to‘xtatiladi", deyilgan xabarda.