Buyuk Britaniyaning Sotheby's auksion uyi The Beatles guruhi solisti Jon Lennonga tegishli bo‘lgan Austin Princess limuzini savdosini o‘tkazadi. Bu haqda Daily Record xabar bermoqda.
Avtomobil 1956 yilda Buyuk Britaniyada ishlab chiqarilgan. 1971 yilda musiqachi tomonidan sotib olingan. Mashina Lennon tomonidan imzolangan original hujjat bilan birga sotiladi.
Limuzin musiqachi buyurtmasiga ko‘ra besh dona samolyot o‘rindig‘i bilan jihozlangan. Ushbu mashinada u rafiqasi Yoko Ono bilan birga 1972 yilda Imagine filmida suratga tushgan.
Savdo 7 sentabrda Londonda bo‘lib o‘tadi. Mashinaning boshlang‘ich bahosi 250 ming funt sterling. Tushgan mablag‘ning bir qismi xayriya ishlariga sarflanadi.
