Sankt-Peterburgning " Zenit" klubi futbolchilari Rossiya Superkubogi uchun uchrashuvda "TsSKA"ni yutib, 4-marotaba ushbu unvon sohibi bo‘ldilar.
Moskvadagi "Lokomotiv" stadionida 23 iyulda o‘tgan uchrashuv 1:0 hisobi bilan yakunlandi. G‘alaba to‘pini 22-daqiqada yarim himoyachi Joze Maurisio kiritdi.
Bu unvon "Zenit"ning yangi bosh murabbiyi, ruminiyalik Mirchi Luchesku uchun klub bilan qo‘lga kiritgan birinchi unvon bo‘ldi.
Eslatib o‘tamiz, "TsSKA" ushbu unvonning 6 karra sohibi hisoblanadi.
